برنامج الولاء

النوع

ثلاث قرارات وبرنامجك جاهز: شغّله، اختر طريقته، وحدّد كم يحتاج العميل للجائزة. كل شي ثاني اختياري تحت «إعدادات متقدمة».

قواعد الكاشير

قواعد يطبّقها النظام على كاشير منشأتك عند إضافة الختم. وإذا كانت منشأتك ضمن علامة تجارية بفروع، تنحفظ القواعد على الفرع الرئيسي وتسري على كل الفروع.

لوحة المعلومات

أرقام برنامجك في المدة اللي تختارها، لفرع واحد أو لكل فروعك. كل مبلغ هنا مسجّل على زيارات الولاء — مو مبيعات المحل كلها، لأن العميل اللي ما مسح بطاقته ما نشوفه.

رسالة لعملائك

رسالة وحدة في الأسبوع، وتنقرأ قبل لا توصل أحد: نراجعها إحنا أول، وإذا انعطت الموافقة تنرسل. وتوصل بس عملاء هذي المنشأة اللي عندهم التطبيق وما قفلوا إشعارات العروض — يعني جزء من عملائك ما بتوصلهم، وهذا شي ما نقدر نغيّره لك.

هدية من القائمة

اختر صنف من قائمة منشأتك واهده لعملائك — تنحفظ في بطاقتهم ويصرفونها عندك بالباركود، ويوصلهم إشعار بها. الهدية تثبت لهم حتى لو ما وصلهم الإشعار، فلا تعيد الإرسال.

الاشتراكات المدفوعة مسبقاً

باقة يدفعها العميل مقدماً ويصرفها كوب بكوب — والعميل يقدر يهدي منها لأصدقائه. اترك المدة صفر إذا ما تنتهي.

فلوس أخذتها وما قدّمتها بعد

كل وحدة مدفوعة وما انصرفت هي بضاعة عليك لعميلها. هذي القائمة تقول كم وحدة باقية، عند مين، وبكم — بسعر اللي دفعه العميل يوم شرى الباقة، مو بسعر القائمة اليوم.

الجوائز

وش ياخذ العميل ولما يجمع كم — مثال: «قهوة مجانية» عند 6 أختام. تقدر تربط الجائزة بأصناف من قائمتك يختار العميل منها.

اللعبة

لعبة صغيرة يلعبها عميلك عند زيارته: يفوز بصنف من قائمتك أو شارة أو خبرة. الخبرة تحرّك «مستوى اللعب» فقط — ما تنصرف ولا تنشرى فيها شي، وهي غير نقاط برنامجك.

مجموعات الجوائز

المجموعة هي اللي تسحب منها اللعبة. كل خانة فيها تقدر تجمع أكثر من شي مع بعض — صنف من قائمتك، وخبرة، وشارة — مع عدد النسخ. أول ما تخلص المجموعة توقف اللعبة نفسها، وتقدر تفتح جولة جديدة.

ارعَ جائزة في ألوكي —

تقدر تحط صنفًا من قائمتك في جوائز ألوكي نفسها. اللي يفوز فيه يستلمه عندك، ويصير جائزة عادية في بطاقته — نفس أي جائزة ثانية على الكاشير. ما تنسحب منك جائزة أحد فاز فيها؛ اللي تقدر ترجعه هو الكمية اللي ما راحت لأحد، وقتما تبي.

رعاية جديدة

الرعاية تنحفظ باسمك وتاريخها، وما تدخل جوائز ألوكي إلا بعد ما نضيفها من عندنا. وإذا علّمت الصنف «نفذ اليوم» أو انتهى اشتراكك، ألوكي توقف تعطيه — بدون ما تسوّي شي.

الشارات

الشارة تعلّق على بطاقة العميل وتبقى له. اختر من شارات ألوكي، أو ارفع شارتك أنت.

وش راح ووش باقي

أيام مضاعفة

مثال: ضعف النقاط يوم الثلاثاء. المعامل من 1.1 إلى 5.

الموظفين

اكتب اسم الموظف ورقم جواله، وتوصله رسالة فيها رابط دخول. يشتغل على نقطة البيع لهذي المنشأة بس، وما يقدر يعدّل القائمة.

الأعضاء

كل من انضم لبرنامجك. دوّر بالاسم أو الجوال، رتّب باللي يهمك — الأكثر صرفًا، الأحدث زيارة، الأعلى رصيدًا — وضيّق النتيجة بفلاتر الشرائح نفسها.

قائمة المحظورين من الطلب المسبق

اللي سجّل عليهم الكاشير «عدم حضور»: العميل ما يشوف خدمة الطلب المسبق في محلك حتى تحذفه من القائمة — ويرجع له مباشرة أول ما ترفع الحظر.

خريطة أعضائك

آخر زيارة × عدد الزيارات — كل مربّع مجموعة من عملائك بوصفها. اضغط أي مربّع ويجهّز لك سؤاله تحت مع أسماء من فيه.

الشرائح

قسّم أعضاءك بأسئلة محفوظة — «مين ما جا من شهرين؟»، «مين ميلاده هذا الشهر؟». الشريحة تحفظ السؤال نفسه، والأسماء تتحدث كل مرة تفتحها، وتقدر ترسل رسالة الأسبوع لشريحة بدل الكل من تبويب «التواصل».

سوّ شريحة

ركّب سؤالك شرط فوق شرط — العضو يظهر في الشريحة إذا انطبقت عليه كل الشروط مع بعض. جرّبها قبل ما تحفظها وشوف مين يطلع فيها.

سجل المسح

كل عملية مسح: الموظف، العميل، والوقت. البطاقة تقبل مسحتين فقط خلال ١٠ دقائق في نفس المحل.